Brasadur ha bihanadur

Kompren efed un diblasadur, ur brasadur pe ur bihanadur war an hirderioù, ar gorreadoù, ar volumoù hag ar c'hornioù.

Termenadur

Termenadur 1 :

Lâret e vez ez eo bet brasaet ur figurenn gant ur c'heñver $k$ ma vez liesaet an holl hirderioù dre $k$ gant $k>1$.
Lâret e vez ez eo bet bihanaet ur figurenn gant ur c'heñver $k$ ma vez liesaet an holl hirderioù dre $k$ gant $0<$$k<1$.

Efedoù ha perzhioù

Perzh 1 :

Ma vez brasaet pe bihanaet ur figurenn gant ur c'heñver $k$, neuze e vez liesaet ar gorreadoù dre $k^2$, hag ar volum dre $k^3$.

Perzh 2 :

Ne gemm ket muzul ar c'hornioù goude ur brasadur pe ur bihanadur.

Skouer 1 :

	$\overset{\textrm{Brasadur 2 e geñver}}\longrightarrow$
Hirderioù Uhelder : 2 cm Ledander : 1 cm Donder : 0,5 cm	$\longrightarrow$	Hirderioù Uhelder : 4 cm Ledander : 2 cm Donder : 1 cm
Gorread (tal raok) : $2 \times 1 = 2 cm^2$	$\longrightarrow$	Gorread (tal raok) : $4 \times 2= 8 cm^2$
Volum : $2 \times 1\times 0,5 = 1 cm^3$	$\longrightarrow$	Volum : $4 \times 2\times 1 = 8 cm^3$

Skouer 2 :

Bihanaet eo bet ur biramidenn gant ur c'heñver $1 \over 4$. He diaz a zo ur skouergornek 4 m dre 5 m. Hec'h uhelder a zo 3 m.
Evit kavout volum ar biramidenn bihanaet e c'hallan jediñ da gentañ volum ar biramidenn gent : ${{4 \times 5 \times 3}\over 3}=20 m^3$
ha liesaat an disoc'h-mañ dre $({1 \over 4})^3$ :
$20 \times ({1 \over 4})^3 =0,3125m^3 $

QUIZZ

Klikañ war ho respontoù.

Bezet ur biramidenn gant un diaz karreziek 8 cm kostez ha 7 cm hec'h uhelder. Brasaat a reomp ar biramidenn gant ur c'heñver $4 \over 3$. Volum ar biramidenn	a zo brasaet gant ur c'heñver $4 \over 3$	a zo brasaet gant ur c'heñver $64 \over 3$	a zo brasaet gant ur c'heñver $64 \over 27$
Ur skouergornek $20 cm^2$ e gorread a zo bihanaet evit dont da vezañ ur skouergornek $5 cm^2$ e gorread. Keñver ar bihanadur a zo	$1 \over 4$	$1\over 2$	$2$
Ur skouergornek $2 cm^2$ e gorread a zo brasaet evit dont da vezañ ur skouergornek $50 cm^2$ e gorread. Keñver ar brasadur a zo.	$5$	$25$	$125$